United Naga Council (UNC) tena district pahnih siam tumna duh lova economic blockade an kalpui avanga harsatna chuan zual lam panin petrol litre khat Rs 300 in hralh a ni a. Economic blockade an kalpui hnuah Manipur-ah petrol a vang nghal a ni.

Prime Minister Narendra Modi chuan nimin khan Uttar Pradesh ah rally neiin Congress party leh opposition te na takin pawisa tihthih chungchangah a bei.

Mizoram Finance minister chuan cheng za leh a hnuailam tam tak awm chu sum indaihlohna tikiam turin heng pawisa te hi hrengbet loa hmangchhuak zung zung turin mipui a ngen.

November 14 kha khawvel pumah Zunthlum (Diabetes) Dona Ni ah hman a ni a. Hemi pual hian Mizoram-ah pawh a vawi thumna atan World Diabetes Day hi hman a ni.

Kar hmasa Zirtawpni-a Rs 2000 note tharin Mizoram a thlen hnuah a dang a thlen belh rih lo a, tun kar chhunga a thlen leh a beiseiawm thu dawn a ni.

November 13 chawhnu dar 3.30 vel khan Seling khua ah Thangkhawthang @ Thangboi (37) chuan a fapa Isaak Lalrinawma (5) chu chartin bung in a vua a, a nupui Rosy Lalnunsangi (31) d/o Lalhlupuii (L) pawh na taka hliamin Aizawl Civil Hospital- ah enkawl mek a ni.